P112M na halaga ng shabu nakumpiska sa isang dayuhan sa NAIA
Timbog ang isang Malaysian national matapos mahulihan ng higit 16 kilograms ng shabu na itinago niya sa kaniyang bagahe.
Hinarang ng mga tauhan ng Bureau of Customs ang bagahe ng dayuhan matapos makita sa x-ray ang kahina-hinalang laman nito.
Nang isagawa ang inspeksyon ay nakita ang dala niyang mga tobats na nagkakahalaga ng higit 112 million pesos.
Itinago ang bawal na gamot sa mga kahon na para sa wine.
Mahaharap ang dayuhan sa kasong paglabag sa Republic Act Number 9165 o Comprehensive Dangerous Drugs Act of 2002. (DDC)
