DND nagbabala sa kumakalat na fake news na Pinas ang sunod na target ng Iran
Binalaan ng Department of National Defense ang publiko kaugnay sa pekeng video na ipinapakalat online na nagpapalaganap ng maling impormasyon kaugnay sa sitwasyon sa Middle East.
Sa nasabing video makikita si DND Secretary Gilbert Teodoro at mayroong nakasulat na Pilipinas na ang sunod na target ng Iran.
Ayon sa DND, maaaring magdulot ng kalituhan at pangamba sa publiko ang nasabing pekeng impormasyon.
Paalala ng ahensya sa publiko, huwag paniwalaan at huwag nang ibahagi ang nasabing post. (DDC)
