Paglilikas sa mga OFW sa Gitnang Silangan dapat paghandaan na – Sen. Gatchalian

Hinikayat ni Sherwin Gatchalian ang Department of Migrant Workers na simulan na ang paghahanda sa posibleng paglilikas sa mga overseas Filipino workers na nasa Gitnang Silangan.

Ayon sa senador pangunahing prayoridad dapat ang kaligtasan ng mga OFW.

Samantala sinabi din ni Gatchalian na dapat paghandaan na ng Land Transportation Franchising and Regulatory Board o LTFRB ang muling pagpapatupad ng Pantawid-Pasada program.

Ayon kay Gatchalian, ang mga bansang apektado ng kaguluhan ay pawang pangunahing sources ng oil reserves.

Kaya naman hindi na aniya malabong sumirit ang presyo ng produktong petrolyo sa mga susunod na lingo.

Sa ilalim ng inaprubahang 2026 budget, sinabi ni Gatchalian na mayroong 2.4 billion pesos na inilaan para maipangtulong sa mga tsuper sakaling tumaas ng husto ang presyo ng langis. (DDC)