Sen. Pangilinan nanawagan ng Fuel Subsidy
Dahil sa inaasahang magiging epekto sa presyo ng langis ng kasalukuyang sitwasyon sa Gitnang Silangan, nanawagan si Senator Kiko Pangilinan ng pagpapatupad ng Fuel Subsidy.
Ayon sa senador, posibleng sumirit ang presyo ng produktong petrolyo.
Dahil dito, kailangang ihanda na aniya ng gobyerno ang tulong para sa mga driver ng pampublikong sasakyan.
Maliban dito sinabi ni Pangilinan na dapat ding bigyan ng Fuel Subsidy ang mga mangingisda at magsasaka para hindi maapektuhan ang kanilang hanapbuhay.
Maliban sa Fuel Subsidy sinabi ng senador na dapat ding ikonsidera ng gobyerno ang pansamantalang pagsuspinde sa excise tax sa diesel at kerosene. (DDC)
