Publiko pinag-iingat sa pekeng socmed gamit ang pangalan ni OWWA Admin Caunan

Inabisuhan ng Overseas Workers Welfare Administration ang publiko laban sa mga pekeng social media accounts na ginagamit ang pangalan at larawan ni OWWA Administrator Patricia Yvonne Caunan.

Paalala ng OWWA sa publiko, huwag makipag-ugnayan o magbigay ng anumang impormasyon sa mga kahina-hinalang account o page na nagpapanggap bilang opisyal ng OWWA.

Ang mga opisyal na anunsyo, programa, at serbisyo ng OWWA ay makikita sa opisyal na OWWA Facebook page.

Para naman sa mga OFW at kanilang pamilya na nangangailangan ng agarang tulong, maaaring tumawag sa OWWA Hotline na 1348 na bukas 24/7.

Maaari ring magtungo sa pinakamalapit na OWWA Regional Office o gumamit ng Kumusta Kabayan App para sa agarang aksyon. (Dona Dominguez-Cargullo)