Underwater search sa MV Kerstin 3 natapos na – PCG
Nakumpleto na ng Technical Diving Group ng Philippine Coast Guard ang underwater search sa lumubog na MV Trisha Kerstin 3.
Ito ay matapos ang dalawampu’t pitong araw na deep water diving operations sa katubigan ng Baluk-Baluk Island, Basilan.
Ayon kay Coast Guard District Southwestern Mindanao Commander, Commodore Rejard Marfe, sa animnapu’t limang narekober na nasawi, dalawampu’t dalawa dito ang nakuha mismo sa lumubog na barko.
Kabilang sa tinungo ng technical divers ng coast guard ang Deck A, Deck B, car deck, mga sasakyang nasa barko, at ang engine room.
Magpapatuloy naman ang pagsasagawa ng surface search, para mahanap ang labingapat pang nawawala. (Dona Dominguez-Cargullo)
