2 timbog sa operasyon ng ‘paihi’ sa Batangas

Aabot sa mahigit 4.1 million pesos na halaga ng produktong petrolyo ang nakumpiska ng mga tauhan ng PNP-CIDG sa dalawang suspek sa San Jose, Batangas na sangkot sa operasyon ng “paihi”.

Nadatnan ng mga otoridad sa lugar ang isang trailer tanker na may kargang 20,000 liters ng unleaded, premium, at diesel.

Huli sa akto ang mga suspek na si alyas “Roger” at “Juan” na naglilipat ng petroleum products mula sa tanker truck patungo sa mga container.

Mahaharap ang dalawang suspek sa kasong paglabag sa Presidential Decree 1865. (Dona Dominguez-Cargullo)