340,000 na halaga ng shabu nakumpiska; 2 drug suspects timbog sa Parañaque City Buy-Bust

Nagsagawa ng buy-bust operation ang mga operatiba ng Station Drug Enforcement Unit (SDEU) ng Parañaque City Police Station sa ilalim ng pamumuno ni Southern Police District (SPD) District Director, Brigadier General Randy Y. Arceo na nagresulta ng pagkaaresto ng dalawang drug suspects at nakumpiska ang tinatayang 50 na gramo ng hinihinalang shabu na nagkakahalaga ng ₱340,000.00, sa

San Juan De Coastal, Barangay San Dionisio sa nasabing lungsod.

Nadakip ang suspek na sina alyas “Gina,” 27-anyos, residente ng Brgy. Baclaran; at alyas “Jovanne,” 43-anyos,isang driver ng Brgy. Moonwalk, Parañaque City.

Kaagad dinakip ng otoridad ang mga suspek matapos bentahan ang undercover police operative sa ilalim ng superbisyon ni Col Nicolas Piñon, Chief of Police, Parañaque CPS, kung saan nakumpiska ang sinasabing ilegal na droga, buy-bust money, at coin purse.

Nasa kustodiya ng pulisya ang mga suspek habang inihahanda ang pagsasampa ng kasong paglabag sa Comprehensive Dangerous Drugs Act of 2002 sa Parañaque City Prosecutor’s Office. (Bhelle Gamboa)