DOH nagpaalala kontra leptospirosis 2 linggo matapos ang pagtama ng Bagyong Basyang

Pinag-iingat ng Department of Health sa sakit na Leptospirosis ang mga residente sa Mindanao na naapektuhan ng Bagyong Basyang sa nakalipas na dalawang linggo.

Ayon sa DOH, ang sintomas ng Leptospirosis ay lumalabas hanggang labingapat na araw pagkatapos ma-expose sa tubig-baha.

Paalala ng ahensya, kung lumusong sa baha at nakaranas ng mga sintomas gaya ng lagnat, sakit ng ulo, panginginig, at sakit sa katawan dapat na agad magpakonsulta sa doctor.

Kapag hindi naagapan ay maaari itong magdulot ng organ failure.

Sa pagitan ng February 5 hanggang February 8 ay nanalasa ang bagyong Basyang sa ilang bahagi ng Mindanao na nagdulot ng pagbaha. (Dona Dominguez-Cargullo)