CWC nanawagan ng pagtugon sa pagtaas ng bilang ng Child Pregnancies

Ikinabahala ng Council for the Welfare of Children ang tumataas na bilang ng mga batang nabubuntis batay sa inilabas na datos ng Philippine Statistics Authority at ng Commission on Population and Development.

Ayon sa CWC bagaman bumaba ang bilang ng adolescent pregnancies sa mga edad labinglima hanggang labingsiyam ay tumaas naman ang bilang ng mga edad sampu hanggang labingapat na nabubuntis.

Ayon kay Usec. Angelo Tapales, Executive Director ng CWC, hindi lang dapat numero ang sentro kapag pinag-uusapan ang child pregnancy kundi maging ang usapinsa kabiguang maprotektahan ang mga kabataan.

Dapat aniyang masiguro na nabibigyan ng safe spaces, proper guidance, at oportunidad ang mga bata na maabot ang kanilang mga pangarap sa halip na magkaroon ng responsibilidad sa murang edad.

Nanawagan ang CWC na paigtingin ang whole-of-society response at patuloy na pag-usapan kung paanong masosolusyonan ang adolescent pregnancy.

Kailangan umano dito ang pagtutulungan ng mga magulang, guardians, paaralan, at LGUs. (Dona Dominguez-Cargullo)