CICC nagbabala sa publiko sa pekeng FB Page
Binalaan ng Cybercrime Investigation and Coordinating Center o CICC ang publiko laban sa pekeng Facebook Page na ginagamit ang pangalan at logo ng ahensya.
Paalala ng CICC, ang kanilang opisyal na Facebook page ay mayroong verification mark.
Maliban dito, ang pekeng FB Page ay gumagamit ng lumang logo, habang ang opisyal na FB Page ay gumagamit ng updated CICC logo.
Umapela ang CICC sa netizens na kung sakaling ma-encounter ang pekeng account agad itong i-report sa Hotline 1326 o sa official social media pages ng CICC. (Dona Dominguez-Cargullo)
