Baybayin ng Zamboanga, Eastern Samar at Pangasinan positibo sa Red Tide

Positibo sa nakalalasong Red Tide ang ilang baybaying dagat sa bansa ayon sa abiso ng Bureau of Fisheries and Aquatic Resources.

Ayon sa BFAR, ang mga shellfish na kinulekta sa baybayin ng Dumanquillas Bay sa Zamboanga del Sur; Tantanang Bay sa Zamboanga Sibugay Province; Matarinao Bay sa Eastern Samar, at sa coastal waters ng Bolinao at Anda sa Pangasinan ay positibo pa rin sa Paralytic Shellfish Poison.

Dahil dito, lahat ng uri ng shellfish kabilang ang alamang na makukuha mula sa nasabing mga lugar ay hindi ligtas kainin.

Nananatili namang ligtas ang pagkain ng isda, pusit, hipon, at alimango. Kailangan lamang tiyaking maliinis ang mga ito ng mabuti at maluluto ng maayos. (Dona Dominguez-Cargullo)