Pagpapahupa ng tensyon sa pagitan ng China at PH tinalakay ng DILG at Chiense Embassy

Kinumpirma ni Department of the Interior and Local Government Secretary Jonvic Remulla na tinalakay ng ahensya at ng Chinese Embassy ang pagpapahupa sa tensyon sa pagitan ng China at Pilipinas.

Kasunod ito ng pagpupulong nina Remulla at Chinese Ambassador to the Philippines Jing Quan noong Huwebes.

Ayon kay Remulla, sumentro ang kanilang dayalogo ni Jing sa pagpapatupad ng practical measures para mapahupa ang tensyon sa pagitan ng dalawang bansa at maisulong ang mutual understanding.

Pero ani Remulla, sa naturang pulong hindi nabanggit ang sovereign claims ng Pilipinas sa Kalayaan Group of Islands.

Nag-usap din ang dalawang opisyal sa pagtutulungan ng China at Pinas sa usapin ng law and order. (Dona Dominguez-Cargullo)