15 pang PDLs pinalaya ng BuCor ngayong buwan ng Feb-ibig
Masaya at makabuluhan ang Valentine’s Day para sa pagbabagong-buhay ng 15 pang Persons Deprived of Liberty (PDLs) sa pagdiriwang ng kalayaan kasama ang kanilang pamilya kasunod ng isinagawang Culminating Activity ng Bureau of Corrections (BuCor) ngayong Biyernes.
Sa anunsyo ni Bucor Director General Gregorio Pio P. Catapang Jr. ang paglaya ng mga indibiduwal ay bahagi ng malaking grupo ng 1,297 PDLs na pinalaya magmula January 1 hanggang February 13, kaya umabot na sa kabuuang 30,248 ang lumaya simula nang umupo sa puwesto si Pangulong Ferdinand Marcos Jr..
Sa naturang kabuuang bilang ng lumaya sa ilalim ng administrasyong Marcos nasa 19, 111 ang namatapos ng kanilang sentensiya, 5,558 ang nabigyan ng parole, 4,431 ang napawalang sala, 742 ang nakakuha ng probation, 301 sa habeas corpus at 105 naman sa iba pang legal na paraan.
“Dito irereform namin kayo so you can rejoin your family and be responsible individuals of society,” pahayag ni Catapang.
Upang suportahan ang matagumpay na reintegrasyon ng mga nasabing indibiduwal sa lipunan, naglunsad ang BuCor ng Blue and Red Ribbon project. Layunin ng inisyatibong ito ang kolaborasyon sa pribadong sektor na magbigay ng mga oportunidad na trabaho sa mga lumayang PDLs para sa pagbuo ng kanilang bagong buhay.
Binigyang-diin ni Catapang na nakatuon sila hindi lamang sa pagpapalaya ng PDLs kundi tiyakin din na mayroon silang kakayahan at suportang kailangang magamit kapag lumabas na sila sa mga correctional facilities.
Samantala, plano ng BuCor ang isang halfway house na maaaring matuluyan ng PDLs upang mamuhay sa labas ng kulungan. Ang pasilidad na ito ay magsisilbing suportang pangkalikasan, na nagpapahintulot sa kanila na mahasa ang kanilang kakayahang natutunan noong panahong nasa loob pa ng kulungan at masiyasat ang karapatan para sa kanilang kinabuksan.
“Isinasama na natin yan sa plano ng mga bagong facilities na pinapagawa natin,” sabi ni Catapang sa matibay niyang pangako na pagandahin a ng proseso ng rehabilitasyon.
Ang mga hakbang ng Bucor sa ilalim ng administrasyong Marcos ay sumasalamin sa lumalaking pang-unawa sa kahalagahan ng rehabilistasyon sa sistema ng katarungan.
“By investing in the future of PDLs, society takes significant steps toward reducing recidivism and the importance of providing opportunities for all to succeed,” pagtatapos ng BuCor chief. (Bhelle Gamboa)
