Lending Company pinarusahan ng SEC dahil sa pangha-harass sa may utang

Pinatawan ng parusa ng Securities and Exchange Commission ang kumpanyang Global Dominion Financing dahil sa mapang-abusong pamamaraan nito ng paniningil ng utang.

Ayon sa SEC, napatunayan sa ikinasang imbesigasyon na ang Global Dominion ay lumabag sa Financial Products and Services Consumer Protection Act.

Inatasan ang kumpanya na magbayad ng multa na fifty thousand pesos at pinagsabihan din ito na sumunod sa patas, naaayon sa batas at consumer-protective debt collection standards.

Binalaan din ang kumpanya na mas matinding parusa ang kakaharapin kapag hindi sumunod sa utos ng S-E-C at maaaring mabawi ang kanilang certificate of authority.

Sa ilalim ng batas, masasabing unfair at abusive ang pamamaraan ng paninigil ng isang lending company kapag pinagbabantaan ang umutang, gumagamit ng criminal means para saktan ang sinisingil, sinisira ang reputasyon nito at iniinsulto. (Dona Dominguez-Cargullo)