MRT at LRT may Libreng Sakay sa Araw ng mga Puso
May handog na libreng sakay ang MRT-3 at ang LRT-2 sa lahat ng PhilHealth Cardholder sa February 14.
Ito ay kaugnay ng pagdiriwang ng ika-tatlumpu’t isang Anibersaryo ng National Health Insurance Month na natapat din sa Araw ng mga Puso.
Ayon sa abiso ng pamunuan ng MRT-3 at ng LRT-2, ang libreng sakay ay mula alas syete hanggang alas nueve ng umaga at alas singko ng hapon hanggang alas siyete ng gabi.
Lahat ng pasahero na PhilHealth cardholder ay pwedeng maka-avail ng libreng sakay.
Kailangan lamang ipakita ang kanilang physical card o digital ID ng PhilHealth. (Dona Dominguez-Cargullo)
