NAPOLCOM magsasampa din ng kaso laban sa vlogger na si Norman Mangusin

Iniutos ni NAPOLCOM Commissioner Ralph Calinisan ang pagsasampa ng kaso laban sa vlogger na si Norman Mangusin na kilala rin bilang “Francis Leo Marcos”.

Ayon kay Calinisan, ilang beses na ring naglabas ng babala at abiso ang NAPOLCOM na ang police uniform ay hindi dapat ginagamit bilang costume.

Pero sa kabila nito, hindi aniya pinansin ni Mangusin ang warning ng NAPOLCOM at sa halip ay tila ginamit pa sa katatawanan ang uniporme ng pulis.

Dahil dito sinabi ni Calinisan na magsasampa ng kasong kriminal ang NAPOLCOM laban kay Mangusin.

Kailangan aniyang pagbayaran ng nasabing vlogger ang paggamit nito sa PNP uniform para sa clout.

Inatasan na ni Calinisan ang kanilang Legal Affairs Service at ang Inspection Monitoring and Investigation Service para makipag-ugnayan sa PNP sa isasampang kaso. (Dona Dominguez-Cargullo)