DSWD magtatayo ng Walang Gutom Kitchen sa Visayas

Ipinoproseso na ng Department of Social Welfare and Development ang ikalawang Walang Gutom Kitchen na itatayo sa Cebu.

Ayon kay DSWD Undersecretary Edu Punay, sa ngayon kasi nag-iisa pa lamang ang W-K-G na nasa Pasay City at sineserbisyohan ang mga mamamayan sa Metro Manila.

Sinabi ni Punay, itatayo ang ikalawang W-K-G sa Mandaue City para matulungan naman ang mga mamamayan sa Cebu.

Sa ilalim ng Walang Gutom Kitchen Program, pinakakain ang mga nakararanas ng gutom gamit ang surplus food na donasyon ng mga hotel, restaurants at iba pang organisasyon.

Dagdag pa ni Punay plano rin ng ahensya na palawigin pa ang programa sa Mindanao. (Dona Dominguez-Cargullo)