P10.6M na halaga ng marijuana nadiskubre sa ilang parcels sa NAIA

Umabot sa dalawampung inbound parcels sa NAIA ang nadiskubre ng mga otoridad na naglalaman ng tsongke.

Ayon sa Bureau of Customs sa pakikipag-ugnayan sa Philippine Drug Enforcement Agency at sa NAIA Inter-Agency Drug Interdiction Task Group nagkasa ng operasyon sa dalawampung abandonadong parcel na nagresulta sa pagkakakumpiska ng mahigit 10.6 million pesos na halaga ng tsongke.

Ang mga inabandonang parcel ay idineklarang naglalaman ng snacks, dried fruits, mga damit, at art supplies.

Nai-turnover na sa PDEA ang mga nakumpiskang kontrabando habang patuloy ang imbestigasyon upang matukoy ang consignee ng mga ito.

Simula Enero ngayong taon ay umabot na sa 320 million pesos ang halaga ng ilegal na gamot ang nakukumpiska ng BOC-NAIA. (Dona Dominguez-Cargullo)