Verification visit ikinasa ng FDA sa dalawang malaking supermarket sa Taguig
Binisita ng Food and Drug Administration ang dalawang malaking supermarket sa Bonifaco Global City sa Taguig City para magsagawa ng verification visits sa mga ibinebentang health products.
Ayon kay FDA Director General Atty. Paolo Teston, sabayang isinasagawa sa iba’t ibang bahagi ng bansa ng kanilang Regional Enforcement Units ang pag-iinspeksyon sa mga pamilihan.
Sa BGC, magkasunod na pinuntahan ng team ng FDA ang S&R Membership Shopping at Landers Superstore para suriin ang product registration, labeling accuracy, at storage conditions ng kanilang mga ibinebentang health products.
Ginamit ng FDA ang kanilang Verification Portal na kayang mag-validate ng product registration status real time.
Bagaman karamihan sa mga produkto sa dalawang supermarket ay napatunayan namang compliance sinabi ng FDA na mayroong ilang produkto ang kailangang isailalim pa sa assessment matapos na hindi lumitaw sa kanilang Verification Portal.
Ayon kay Teston, nagkakasa din ang FDA ng unannounced inspections sa mga pakengke, warehouses, at iba pang distribution points para masigurong ligtas ang mga produktong nabibili ng mga consumer. (Dona Dominguez-Cargullo)
