Pondo na inaprubahan para sa special elections sa Antipolo masyadong maliit ayon sa Comelec

Kulang ang pondong inaprubahan ng Department of Budget and Management o DBM para sa pagdaraos ng special elections sa ikalawang Distrito ng Antipolo City.

Ayon kay Comelec Chairman George Erwin Garcia, mangangailangan ang Comelec ng 98 million pesos para sa nasabing proseso pero 11 million pesos lamang ang inaprubahang budget.

Ani Garcia maghahagilap ang Comelec ng paraan upang matustusan ang mga pangangailangan kabilang ng pagbili ng supplies, pampabayad sa pagpapa-imprenta ng balota, at ang pambayad sa honoraria ng mga maninilbihang guro.

Samantala, nakatakda nang lumagda ng kontrata ang Comelec sa National Printing Office para sa pag-imprenta ng mga balotang gagamitin sa spectial elections.

Ang special elections sa 2nd District ng Antipolo ay layong makapaghalal ng ipapalit sa yumaong si Rep. Romeo Acop. (Dona Dominguez-Cargullo)