Halos ₱300K na halaga ng marijuana kush nakumpiska, suspek nadakip ng Parañaque CPS

Sa ilalim ng liderato ni Southern Police District (SPD) District Director, Brigadier General Randy Y. Arceo, matagumpay na naaresto ng mga tauhan ng Station Drug Enforcement Unit (SDEU) ng Parañaque City Police Station ang isang drug suspect at nakumpiska ang ₱280,000.00 na halaga ng marijuana kush sa Queensway, Pascor Drive, Barangay Santo Niño sa nasabing lungsod.

Ang suspek ay kinilalang si alyas “Paolo,” 20-anyos, at residente ng Pasay City. Siya ay sasampahan ng kasong paglabag sa Comprehensive Dangerous Drugs Act of 2002 sa Parañaque City Prosecutor’s Office.

Isinagawa ng SDEU operatives ang operasyon sa superbisyon ni Parañaque CPS Chief Col. Nicolas Piñon na nagresulta ng pagkaaresto ng suspek at pagkakumpiska ng hinihinalang ilegal na droga, buy-bust money, black belt bag, at cellphone.

Binigyang diin ni BGen Arceo na naninindigan ang SPD sa pangako nitong sugpuin ang paglaganap ng ilegal na droga sa pamamagitan ng maigting na anti-drug operations na mahalaga sa pagpapanatili ng kaligtasan ng publiko at pagbabantay sa mga komunidad. (Bhelle Gamboa)