World class Multi-Sports Hub itatayo sa New Clark City
Isang world-class multi-sports hub sa New Clark City, Tarlac ang itatayo para magsilbing bagong training home ng mga atletang Pinoy.
Nagpulong ang Philippine Sports Commission at ang Bases and Conversion Development Authority Group para talakayin ang pagtatayo ng bagong sports complex sa dalawampung ektaryang lupain sa Tarlac.
Ang itatayong pasilidad ay mayroong athletic dormitories, tennis center, mga venue para sa bowling, basketball, swimming at iba.
Ayon kay PSC Chairman Patrick Gregorio sa paglalagay ng mga training center sa mga probinsya mas mapapalawak ang access ng mga atleta sa maayos na pagsasanay. (Dona Dominguez-Cargullo)
