BuCor Dir. Gregorio Catapang adopted son ng Sablayan

Opisyal na kinilala ng Sangguniang Bayan ng Sablayan si Bureau of Corrections Director General Gregorio Pio P. Catapang bilang “adopted son” ng Sablayan.

Ang mahalagang pagkilalang ito ay iginawad kay Catapang sa mismong idinaos na 25th Regular Session sa Sangguniang Bayan Session Hall,dahil sa mahusay niyang liderato sa Sablayan Prison and Penal Farm (SPPF) at sa mga palibot na komunidad.

Binigyang-diin ni Vice Mayor Edwin Mintu ang ipinagkaloob na pagkilala kay Catapang ay hindi lamang titulo kundi testamento ng kanyang hindi matatawarang dedikasyon sa kapakanan ng mga residente sa Sablayan.

Sa ilalim ng pamamahala ni Catapang, maraming magagandang pagbabagong naganap sa SPPF na nagpapabuti sa buhay ng mga persons deprived of liberty (PDLs) habang pinagaganda rin nito ang positibong relasyon sa pagitan ng pasilidad at ng lokal na komunidad. Ang kanyang mga inisyatibo ay nagbigay daan sa mas sama-saang hakbang sa rehabilitasyon, suporta sa mas malawak na misyon upang baguhin ang pamumuhay ng makasaysayang penal institution.

Taos-pusong nagpasalamat si Catapang sa mga opisyal at mamamayan ng Sablayan lalo na kina Mayor Walter Marquez at Vice Mayor Mintu, kung saan inilarawan niya ang pagkilala na parehong karangalan at pribilehiyo.

Inihayag dn ng BuCor chief anag mahalagang tungkulin ng munisipalidad sa operasyon ng SPPF. Tiniyak din nito sa municipal leaders na ang kanyang dedikasyon hindi lamang sa pamamahala sa kulungan kundi pangako rin niyang magiging aktibo sa pagpapalago ng potensiyal na turismo sa Sablayan.

Target ni Catapang sa Sablayan na maging strategic cruise ship access route na kokonekta sa ilang pinaka-pinupuntahan ng mga turista sa bansa gaya ng Marinduque, Romblon, Palawan, at Antique na inaasahang magbubukad ng mga oportunidad pang-ekonomiya sa rehiyon, pagbabago ng Sabalayan mula sa isang pangunahing komunidad pang-agrikultura patungong tourism at commerce hubs.

Madalas itong bansagan na “sleeping giant” ang Sablayan dahil sa malawak nitong lupa na aabot sa 218,900 na ektarya kung kaya ito ang pinakamalaking munisipalidad sa Pilipinas at mahigit 4,100 PDLs ang nasa pangangalaga ng SPPF.

Layunin ng adbokasiya ni Catapang na itampok ang mga komunidad at correctional facilities na magsasama-sama.Ipinagmamalaki rin ang natatanging geographical advantages ng Sablayan kaya nais niyang lumikha ng masiglang economic zone na pakikinabangan ng mga residente sa lokal at iprisinta itong modelo para sa rehabilitasyon at reintegrasyon. (Bhelle Gamboa)