Bangkay ng nasawing tauhan ng PCG narekober sa Basilan
Kinumpirma ng Philippine Coast Guard na narekober ang katawan ng isang Coast Guard personnel mula sa lumubog na MV Trisha Kerstin 3 sa katubigan ng Baluk-Baluk Island, Basilan.
Nakita ang katawan ni Seaman First Class Alkhaizar Hadjail sa pagpapatuloy na search and rescue operations araw ng linggo February 1.
Nakilala ang biktima matapos ang pakikipag-ugnayan sa kaniyang pamilya.
Nagpaabot naman ng pakikiramay ang Coast Guard sa mga naulila ng nasawing tauhan.
Sa pahayag ni PCG Spokesperson, Captain Noemie Cayabyab kinilala ang dedikasyon ng nasawing Coast Guard Personnel at ang kaniyang commitment sa serbisyo publiko. (Dona Dominguez-Cargullo)
