Auction sa 8 pang luxury vehicles ng mga Discaya itinakda muli ng BOC

Muling nagtakda ng petsa ng auction ang Bureau of Customs – Port of Manila para sa natitira at hindi pa nabebenteng walong magagarang sasakyan ng mga Discaya na hindi pa nabebenta.

Isasagawa ang auction sa February 11, 2026 habang magkakaroon ng public viewing para sa mga interesadong bidder sa February 5 at 6.

Kabilang sa isusubasta ang sumusunod na mga sasakyan na kinumpiska mula sa mag-asawang contractor na sina Sarah at Curlee Discaya:

Lincoln Navigator (2024)
GMC Yukon Denali (2022)
Cadillac Escalade (2021)
Maserati Levante Modena (2022)
GMC Yukon XL Denali (2022)
Cadillac Escalade ESV (2022)
Rolls-Royce Cullinan (2023)
Bentley Bentayga (2022)

May isasabay din na dalawang pang sasakyan sa isasagawang auction na isang Blue Bugatti Chiron (2017) at Red Bugatti Chiron (2019). (Dona Dominguez-Cargullo)