DILG siniguro ang suporta kay Nartatez
Binati ng Department of the Interior and Local Government si Police General Jose Melencio Nartatez Jr. sa pormal na appointment nito bilang pinuno ng Philippine National Police.
Kasunod din ito ng promosyon ni Nartatez bilang four-star General.
Ayon kay DILG Secretary Jonvic Remulla, kahit noong naninilbihan pa lang bilang acting chief ng PNP ipinakita ni Nartatez ang dedikasyon nito sa paggabay sa 228,000-strong men and women ng PNP.
Napatunayan umano ni Nartatez na maipagpapatuloy niya ang pamumuno sa pambansang pulisya nang may disiplina at integridad.
Tiniyak naman ni Remulla ang suporta ng DILG kay Nartatez sa pamumuno nito sa PNP. (DDC)
