Na-stranded na Sinulog participants nakauwi na ng Las Piñas

Personal na naghintay at sinalubong ni Mayor April Aguilar sa airport kaninang alas-4:00 ng madaling araw ang mga kabataang Las Piñero na lumahok sa Sinulog Festival sa Cebu.

Kasama rin ng alkalde sa pagtanggap at pagsalubong sina Barangay Pilar Captain Ronillo Fuentes at City Social Welfare and Development Office – Las Piñas City upang personal na masiguro ang kaligtasan at kapakanan ng mga nabanggit na kabataan.

May kabuuang 111 kabataan ang nakauwi sakay ng Philippine Airlines sa dalawang batch na sinundo ng grupo ni Mayor April Aguilar at direktang inihatid sa kani-kanilang mga tahanan upang tiyaking makasama nila ang kanilang pamilya.

Sa pagmamalasakit ni Mayor April Aguilar, personal niyang ginamit ang kanyang sariling pondo para sa pamasahe at iba pang pangangailangan ng mga nagkaproblemang kababayan.

Patuloy na prayoridad ng Pamahalaang Lungsod ang kapakanan ng lahat lalo na sa mga sitwasyong nangangailangan ng agarang pagkilos at malasakit. (Bhelle Gamboa)