P40.8M na halaga ng ilegal na droga tinangkang ipasok sa bansa
Timbog ang isang dayuhang pasahero matapos mabuking ang dala nitong higit 40.8 million pesos na halaga ng shabu sa kaniyang bagahe nang dumating siya sa NAIA Terminal 3.
Ayon sa Bureau of Customs, isinailalim sa inspeksyon ang pasahero na isang South African matapos makatanggap ng derogatory information ang mga otoridad.
Isinailalim sa x-ray examination at 100 percent physical examination ang bagahe ng pasahero at doon nadiskubre ang higit anim na libong gramo ng shabu na nakatago sa kaniyang bagahe.
Nai-turnover na sa PDEA ang mga kontrabando at ang pasahero para maisailalim sa inquest proceedings sa kasong paglabag sa Comprehensive Dangerous Drugs Act of 2002 at Customs Modernization and Tariff Act. (DDC)
