13 pang regional facilities at 2 karagdadang heinous crime facilities ipapatayo ng BuCor

Inihayag ni Bureau of Corrections Director General Gregorio Pio P. Catapang Jr. ang pagpapatayo ng 13 pang regional facilities at dalawang karagdagang pasilidad para sa heinous crimes o karumal-dumal na krimen para sa hakbang ng Bucor tungo sa mas pantay-pantay at epektibong correctional system.

Ito ay nakahanay sa Republic Act 10575 at Republic Act 11928 ayon kay Catapang.

“RA 10575, or the Bureau of Corrections Act of 2013, mandates the establishment of Regional Prison Facilities (RPFs) to reduce reliance on mega-prisons and to bring correctional facilities closer to communities, while RA 11928 mandates the establishment of separate facilities for heinous crimes—one each for Luzon, Visayas, and Mindanao.”

Nagsagawa ng presentasyon si Engr. Al Cir Juan R. Rañosa, Bucor Acting Director, Directorate for Engineering Services, sa idinaos na 2nd Jail Decongestion Summit sa Manila Hotel kung saan ang Bureau ay kasalukuyang nag-ooperate lamang ng lima sa 18 regions sa bansa. Matatagpuan aniya ang mga umiiral na pasilidad sa mga sumusunod na lugar:
1. National Capital Region (NCR)
2. Region IV-B (MIMAROPA)
3. Region VIII (Eastern Visayas)
4. Region IX (Zamboanga Peninsula)
5. Region XI (Davao Region)

Kaya naman kinakailangan na matayuan ng pasilidad sa Cordillera Administrative Region , Region I (Ilocos Region), Region II (Cagayan Valley), Region III (Central Luzon), Region IV-A (CALABARZON), Region V (Bicol Region), Region VI (Western Visayas), Region VII (Central Visayas), Negros Island Region (NIR), Region X (Northern Mindanao), Region XII (SOCCKSARGEN), Region XIII (CARAGA Region), at sa Bangsamoro Autonomous Region in Muslim Mindanao (BARMM).

Sinabi pa ni Catapang na inumpisahan ng Bucor ang pagtatayo ng Super Maximum Facility (SMF) sa Sablayan, Occidental Mindoro, para sa Luzon area. Wala aniyang SMFs para sa heinous crimes ang naitatayo sa Visayas at Mindanao kaya kailangan ang patuloy na site identification at resource allocation.

Ayon pa sa Bucor chief ang ganitong pagbabago ay hindi lamang magpapagaan sa kasalukuyang pressures kundi nakahanay din ito sa mga pambansang gawi na mayroong pinakamahusay na internasyunal na mga pamantayan na nagpapaganda ng mas makataong paglapit sa pagkakakulong.

“The time to act is now for a just and rehabilitative correctional system to thrive, proactive measures must be taken to bridge the existing gaps,” sabi ni Catapang. (Bhelle Gamboa)