Natanggap na Top Mayor Award isinauli ng isang alkalde sa Bohol

Tinanggihan ni Alburquerque Mayor Don Ritchie Buates ang award na kumikilala sa kaniya bilang top mayor sa 1st District ng Bohol.

Sa kaniyang post sa Facebook, sinabi ni Buates na isasauli niya ang award dahil ayaw niyang tumanggap ng pagkilala na hindi dumaan sa ahensya ng gobyerno gaya ng Department of the Interior and Local Government.

Nagpahayag ng pagkabahala ang alkalde hinggil sa transparency ng naturang recognition.

Paliwanag ni Buates ang mga lehitimong award ay dapat may malinaw na indicators at evaluation criteria na binuo sa pakikipagugnayan sa mga ahensya ng pamahalaan.

Ang Top Mayor Award para sa Bohol First District ay iginawad ng grupong Civic Accountability Council kay Buates.

Binigyan ng naturang grupo ang alkalde ng 9.8 out 10 na Performance Rating. (DDC)