Cainta Mayor Nieto sasailalim sa medical break; nakitaan ng mga bara sa major arteries

Naospital si Cainta, Rizal Mayor Kit Nieto matapos nakaranas ng matinding pananakit sa kaniyang dibdib.

Ayon sa abiso sa kaniyang Facebook page sasailalim sa medical break si Nieto simula ngayong Lunes, January 26.

Sa isinagawang Angiogram procedure sa alkalde nakitaan ito ng mutiple blocks sa lahat ng kaniyang major arteries.

Sumasailalim siya ngayon sa close medical monitoring.

Pagpapasyahan pa ng kaniyang pamilya kung anong klase ng medical procedure o surgery ang isasagawa para sa kaniyang kondisyon.

Samantala, itinalaga naman si Vice Mayor Ace Servillon bilang acting mayor ng Cainta.

Kanselado na din ang lahat ng scheduled activities ni Nieto kabilang ang nakatakda sanang aktibidad para sa kaniyang Kaarawan sa Jan. 31. (DDC)