4 na sundalo patay sa pananambang sa Lanao del Norte

Nasawi ang apat na sundalo makaraang tambangan ng mga hininalang miyembro ng Dawlah Islamiya-Maute Group sa Munai, Lanao Del Norte.

Tinambangan ang mga tauhan ng Task Unit Tabang sa bahagi ng Barangay Lininding.

Ayon kay Philippine Army Spokesperson Colonel Louie Dema-ala, nagsasagawa noon ng Community Support sa lugar ang mga sundalo.

Paliwanag ng opisyal, ang ginawa ng DI-Maute group ay retaliatory attack para ipakitang malakas pa rin ang kanilang grupo sa naturang lugar.

Nagpapatuloy naman ang pagtugis ng mga sundalo sa grupong nasa likod ng pag-atake. (Dona Dominguez-Cargullo)