P117M subsidy ipinagkaloob ng Manila City LGU sa PLM

Naipagkaloob na ng City Government ng Maynila ang mahigit 117 million pesos na subsidiya para sa Pamantalasang Lungsod ng Maynila.

Ayon kay Manila Mayor Isko Moreno, nang maupo siya sa pwesto bilang alkalde, daan-daang milyong subsidiya ang hindi naibibigay ng City Government sa PLM.

Sa kabila ng pagkakaloob ng 117 million pesos, sinabi ni Moreno na mayroon pang higit 223 million pesos na unpaid subsidies ang City LGU para sa PLM batay sa datos ng city finance records.

Tiniyak naman ng alkalde sa pamunuan ng eskwelahan na ipagkakaloob ang kulang na subsidiya at itataas pa ito sa mga susunod na taon.

Noong unang termino niya bilang mayor sa Maynila, itinaas ni Moreno sa 360 million pesos ang subsidy para sa PLM na ibinaba sa 210 million pesos ng nagdaang administrasyon. (Dona Dominguez-Cargullo)