Ilang resolusyon para sa maayos na mga serbisyo at polisiya ng MMDA at LGUs sa Metro Manila inaprubahan

Sa pangunguna ni Metropolitan Manila Development Authority (MMDA) at concurrent Metro Manila Council Chairman Atty. Don Artes, inaprubahan ang ilang resolusyon para sa maayos na pagpapatupad ng mga serbisyo’t polisiya ng ahensiya at ng mga lokal na pamahalaan sa Metro Manila.

Inendorso rin para sa pagraratipika ng Department of Human Settlements and Urban Development (DHSUD) ang Comprehensive Land Use Plan 2024-2034 at Zoning Ordinance ng Makati.

Inapribahin din ng Regional Development Council ang resolusyon para sa pagsasagawa ng Philippine Statistics Authority ng 2027 Community-Based Monitoring System (CBMS) sa mga lokal na pamahalaan sa Metro Manila gayundin ang pag-a-adopt sa Philippine Standard Geographic Code (PSGC) Revision 1 o ang paggamit ng 10 digits PSGC coding structure mula sa dating 9 digits.

Tinalakay naman ang pagro-rollout ng P20 bigas sa Metro Manila na kabilang sa Kadiwa ng Pangulo initiative na pinangungunahan naman ng Department of Agriculture.

Kabilang sa mga dumalong alkalde sina Manila Mayor Isko Moreno, Paranaque Mayor Edwin Olivarez, Las Pinas Mayor April Aguilar-Nery, Malabon Mayor Jeannie Sandoval, Pasay City Mayor Emi Calixto-Rubiano, at Pateros Mayor Gerald German. (Bhelle Gamboa)