Zaldy Co nagtatago sa gated community sa Portugal – DILG

Posibleng nasa Lisbon, Portugal si dating Congressman Zaldy Co.

Ayon kay Interior and Local Government Secretary Jonvic Remulla nagtatago umano sa loob ng isang gated community ang dating kongresista.

Ayon sa kalihim, ang pinagtataguang lugar ni Co ay hindi basta-basta napapasok at batay sa kaniyang impormasyon, ito ay para lamang sa mga bilyonaryo.

Aminado si Remulla na balakid sa pagpapauwi kay Co ang kawalan ng extradition treaty ng Pilipinas at Portugal gayundin ang ulat na pagtataglay nito ng Portuguese passport.

Una nang iginiit ng ilang mambabatas na dapat pursigihin ng pamahalaan sa pamamagitan ng Department of Foreign Affairs na mapauwi ng bansa si Zaldy Co sa pamamagitan ng extradition. (DDC)