Recruitment Agency sinuspinde ng DMW dahil sa dami ng paglabag

Sinuspinde ng Department of Migrant Workers ang kumpanyang Alju International Manpower Services Inc. dahil sa paulit-ulit na paglabag nito sa DMW Rules and Regulations kaugnay sa Recruitment at Deployment ng Land-based Filipino Workers.

Ayon sa DMW, sangkot ang recruitment agency sa misrepresentation, kabiguang mag-isyu ng official receipts, pagkulekta ng sobra-sobrang placement fees, at marami pang ibang mga paglabag.

Una nang nakatanggap ng reklamo ang DMW mula sa dalawampung aplikante patungong Europe na nagbayad umano ng 80,000 thousand pesos bawat isa pero hindi naman sila nakaalis.

Nanawagan naman ang DMW sa iba pang OFW na posibleng nabiktima ng kumpanya na makipag-ugnayan sa ahensya para matulungan sila sa pagsasampa ng kaso. (DDC)