Pamilya ni dating Senador Bong Revilla umapela ng patas na paglilitis

Kasunod ng pagsuko ni dating Senador Bong Revilla Jr. hiling ng pamilya nito ang patas na pagtrato at patas na paglilitis batay sa mga ebidensya.

Ayon kay Cavite First Dist. Rep. Jolo Revilla, ang pasya ng kanilang ama na boluntaryong sumuko sa mga otoridad ay pagpapakita ng tiwala niya sa legal process sa bansa.

Nagpasya aniya ang dating senador na harapin ang kaso dahil naniniwala itong ang korte ang tamang lugar para maresolba ang isyu.

Hiniling din ng nakababatang Revilla sa publiko at sa media na iwasan ang premature conclusions habang gumugulong ang kaso.

Sa huli sinabi ni Rep. Jolo Revilla na naniniwala silang mananaig ang katotohanan. (DDC)