2.8M na mga bata sa Mindanao target mabakunahan laban sa tigdas

Nakapagtala ng mataas na kaso ng tigdas sa Mindanao mula January 1, 2025 hanggang January 3, 2026.

Ayon sa Department of Health, 2,172 cases ng tigdas ang naitala sa Mindanao na 42 percent ng kabuuang kaso ng tigdas sa Pilipinas.

Inumpisahan na ng DOH ang Phase 1 ng Ligtas Tigdas o Measles-Rubella Vaccine Supplemental Immunization Activity sa iba’t ibang rehiyon sa Mindanao kung saan target mabakunahan ang 2.8 na milyong mga bata edad lima pababa.

Pinayuhan ng DOH ang mga magulang na dalhin ang kanilang mga anak sa pinakamalapit na vaccination site para maiwasan ang pagkaospital at pagkamatay dulot ng tigdas at tigdas-hangin. (DDC)