14 days Visa-Free Entry para sa mga Chinese aprubado na – DFA

Inaprubahan ng pamahalaan ang visa-free entry para sa mga negosyante at turistang Chinese nationals na mananatili sa bansa ng hanggang labingapat na araw.

Ayon sa Department of Foreign Affairs ang bagong visa rules ay sisimulan sa January 16.

Aplikable ito sa mga Chinese na papasok sa bansa bilang turista o kaya ay nasa business travel.

Sinabi ng DFA na non-extendable at non-convertible ang 14-day visa free at valid lamang kung sila ay lalapag sa Ninoy Aquino International Airport at sa Mactan-Cebu International Airport sa Cebu.

Sa kanilang pagdating sa bansa, kailangang mayroon silang passport na valid ng hindi bababa sa six months, may kumpirmadong hotel accommodation, at may return ticket.

Iiral sa loob ng isang taon ang bagong visa rules at sasailalim sa review taun-taon. (DDC)