Red Notice kay Atong Ang ihihirit ng pamahalaan sa Interpol

Hihilingin na ng pamahalaan sa Interpol na magpalabas ng Red Notice sa negosyanteng si Charlie Atong Ang.

Ayon kay Department of the Interior and Local Government Secretary Jonvic Remulla, wala pang impormasyon na nakalabas na ng bansa si Atong Ang.

Gayunman, habang maaga, hihiling na sila ng Red Notice para sa negosyante.

Sinabi ni Remulla na kahit ang pagdaan sa backdoor ay mahihirapang gawin si Atong Ang dahil may mga asset din ang PNP na maaaring makapagbigay ng impormasyon.

Hihilingin na din ng DILG sa Department of Justice na maglabas ng Hold Departure Order kay Ang para sa katiyakang hindi siya makalalabas ng bansa.

Muli ay umapela si Remulla kay Ang na kusa nang isuko ang sarili sa mga otoridad. (DDC)