ES Recto itinangging may panibagong balasahan sa gabinete

Walang cabinet shake-up.

‘Yan ang paglilinaw ni Executive Secretary Ralph Recto kasunod ng paulit-ulit na isyu ng panibagong sibakan sa gabinete ni Pangulong Ferdinand Marcos Jr.

Ayon kay Recto, sa ngayon walang nakabinbing revamp sa gabinete at ang mga ulat tungkol dito ay nagdudulot lamang ng “distraction” sa trabaho ng gobyerno.

Sa ulat ng “Politiko” kamakailan, plano umano ni Pangulong Marcos na magpatupad ng balasahan.

Ani Recto batid naman nilang lahat na bilang mga Cabinet members sila ay nagsisilbi sa “pleasure” ng presidente sumasailalim sila sa regular na performance review.

Gayunman, sinabi ni Recto na walang reorganisasyon sa gabinete sa ngayon at pawang mga spekulasyon lamang ang mga lumalabas na ulat. (DDC)