Coast Guard tatanggap na ng mga bagong aplikante

Bubuksan na ng Philippine Coast Guard ang recruitment process nito para ngayong taong 2026.

Ayon sa abiso ng PCG, simula January 20 hanggang February 20, 2026 ay tatanggap na ng aplikante para sa mga Commissioned Officer at Enlisted Personnel.

Nationwide ang isasagawang recruitment at kasama sa mga propesyong hinahanap ay mga doktor, dentista, at veterinarian.

Magre-recruit din ang PCG ng mga nurse, psychologist at psychometrician.

May mga itinakdang processing area sa iba’t ibang bahagi ng bansa. (DDC)