Medical repatriation ng OFW na naka-confine sa Cambodia ipoproseso ng DMW

Tiniyak ng Department of Migrant Workers o DMW ang ligtas na pagpapauwi sa isang overseas Filipino worker na naka-confine ngayon sa isang ospital sa Cambodia dahil sa karamdaman.

Personal na binisita ni DMW Assistant Secretary Venecio Legaspi, kasama ang mga personnel mula sa Migrant Workers Office – Singapore ang isang OFW na kasalukuyang naka-confine sa ospital.

Ayon sa DMW, naubos na ang kaunting naipon ng nasabing OFW dahil sa patuloy na pagpapagamot.

Binayaran naman na ng Department of Foreign Affairs sa pamamagitan ng Philippine Embassy sa Phnom Penh ang kaniyang hospital bills hanggang December 2025.

Ayon sa DMW, paplantsahin na ang posibleng medical repatriation sa OFW at pag-uwi niya sa bansa ay itutuloy ang kaniyang gamutan sa OFW Hospital. (DDC)