China nagpasalamat sa PH Coast Guard sa tulong sa nakuryenteng Chinese crew
Nagpaabot ng pasasalamat ang pamahalaan ng China sa Philippine Coast Guard na tumulong sa isang Chinese national na nakuryente habang sakay ng barko sa katubigan ng Basilan Strait.
Sa pahayag ay nagpasalamat si Chinese Embassy in Manila Deputy Spokesperson Guo Wei sa mga crew ng PCG na tumulong para mailikas ang isang singkwenta’y singko anyos na Chinese crew member ng foreign vessel na MV Min Hua 9.
Ayon sa ulat ng Coast GUard District Southwestern Mindanao, nakatanggap sila ng distress call mula sa naturang barko at humingi ng tulong para sa medical evacuation.
Agad namang ipinadala ang BRP Tubbataha at ang medical team mula sa Medical- Southwestern Mindanao para makuha ang pasyente na dinala sa pinakamalapit na ospital. (DDC)
