Higit 7,000 na bisita dumalaw sa PDLs sa Bilibid nitong holiday season

Nakapagtala ang Bureau of Corrections (BuCor) ng napakalaking bilang ng bisita sa New Bilibid Prison (NBP) sa Muntinlupa City noong Pasko at Bagong Taon.

Sa report na natanggap ni BuCor Director General Gregorio Pio P. Catapang Jr. mula kay NBP Acting Superintendent C/Supt. Roger O. Boncales, umabot sa kabuuang 7,168 na kamag-anak at mga kaibigan ng persons deprived of liberty (PDLs) ang dumagsa sa NBP upang makasama ang kanilang mahal sa buhay sa pagitan ng December 23 at January 2,2026.

Sa naturang bilang, ang regular na pagbisita ng pamilya ay umabot sa 4,676 at 2,492 naman ang naitalang stay-in o conjugal visits.

Ipinaliwanag ni Catapang para sa maraming inmates na ang ganitong mga pagbisita ay sandigan, nagbibigay ng emosyunal na suporta at pag-alala sa kanilang mga buhay sa labas ng corrections facility at kakayahang magsama-sama ng makabuluhan kahit nasa likod ng rehas,tumutulong na maibsan ang bagabag o balisa dulot ng pagkabilanggo.

“While the festivities may not resemble those experienced by the general public, the holiday spirit certainly finds its way into the hearts of both inmates and their families from shared meals to exchanging simple gifts,” dagdag ni Catapang.

Inihayag pa ni Catapang na ang bilang ng mga bisita nitong holiday season ay nagpapakita ng halimbawa ng makatao at importanteng pagpapanatili ng relasyon o ugnayan,pagpapaalaala sa lahat na ang pag-ibig ay kumikilala na walang hangganan kahit pa ang kalayaan ay pinagbabawal. (Bhelle Gamboa)