Pagiging fiscally responsible dapat noon pa ginawa ng Marcos admin

Mas mainam sana kung nasimulan ng maaga ng administrasyong Marcos ang masusing pagbabantay sa national budget.

Reaksyon ito ni Akbayan Partylist Representative Percival Cendaña sa pahayag ni Pangulong Ferdinand Marcos Jr. bawat proyekto at programa na paglalaanan ng budget ay dadaan sa masusing pagsusuri.

Ayon sa mambabatas, sana ay sa umpisa pa lang ng termino ng pangulo ay naging fiscally responsible na ito.

Nagsimula lang kasi aniyang maghigpit sa pondo at korapsyon ang pangulo anim na buwan bago ang kaniyang ikaapat na taon sa termino.

Inihalintulad tuloy ito ni Cendaña sa pagda-diet bilang New Year’s resolution pero sa buwan pa ng Oktubre sisimulan ang pag-diet. (DDC)