De kalidad na edukasyon sa bawat estudyanteng Pinoy siniguro ng DepEd
Matapos pormal na malagdaan ni Pangulong Ferdinand Marcos Jr. amg pambansang budget tiniyak ng Department of Education ang access sa de kalidad na edukasyon sa bawat mag-aaral na Pinoy.
Ang sektor ng edukasyon ang nakatanggap ng may pinakamalaking alokasyon ng budget ngayong taon na aabot sa 1.35 trillion pesos.
Sa pahayag sinabi ni DepEd Secretary Sonny Angara na katumbas ito ng 4.4 percent ng gross domestic product ng bansa.
Sinabi ni Angara na ang 1.015 trillion pesos ay ilalaan ng DepEd sa pagsiguro na maaabot ng maayos at de kalidad na edukasyon ang bawat mag-aaral saanmang sulok ng bansa.
Nagpasalamat naman si Angara kay Pangulong Ferdinand Marcos Jr. at sa mga mambabatas sa pagkakapasa ng Fiscal Year 2026 National Budget. (DDC)
