Insidente ng stroke, heart attack at hika tumaas bago matapos ang 2025

Nakapagtala ang Department of Health ng pagtaas sa mga insidente ng stroke, atake sa puso at hika sa nakalipas na ilang linggo.

Ayon sa DOH, umabot na sa 288 ang kaso ng atake sa puso, stroke, at hika ang kanilang naitala simula December 21 hanggang madaling araw ng December 31, 2025.

Ang datos ay mas mataas ng 5 percent kumpara sa 274 cases na naitala sa parehong petsa noong 2024.

May naitala din ang DOH na limang nasawi at pangunahing dahilan ay acute stroke o brain attack.

Paalala ng DOH, para makaiwas sa Acute Coronary Sydrome dapat iwasan ang labis na pagkain, paninigarilyo, pag-inom ng alak at stress.

Sa mga may asthma naman, iwasan ng triggers gaya ng usok at alikabok. (DDC)