Higit P217K na halaga ng ilegal na paputok nakumpiska sa QC
Nagsagawa ng serye ng crackdown ang mga tauhan ng Quezon City Police District sa mga ibinebentang ilegal na paputok sa lungsod.
Aabot sa mahigit 217 thousand na halaga ng bawal na paputok ang nakumpiska na kinabibilangan ng mga kwitis, picollo, plapla, five-star, whistle bombs, bawang, higad, sinturon ni hudas, at iba pang delikadong fireworks.
May nakumpiska ding mga boga o improvised cannons.
Ang crackdown ay bahagi ng kampanya ng QCPD sa pagpapatupad ng One-Strike Policy kontra indiscriminate firing at illegal firecrackers. (DDC)
